Հրատապ լուրեր:

Մեր տեսլականն է Հայաստանը դարձնել տարածաշրջանային էլեկտրաէներգետիկ ռեսուրսների արտահանման ու տարանցման էներգետիկ հաբ. Սուրեն Պապիկյան


, | Հրապարակվել է: 07:14 PM, August 28, 2019

IMG

Օգոստոսի 27-ին ՀՀ տարածքային կառավարման և ենթակառուցվածքների նախարար Սուրեն Պապիկյանը ԱԳՆ կենտրոնական ապարատի և արտերկրում դիվանագիտական ծառայության մարմինների ղեկավարների հավաքի շրջանակներում մասնակցել է «Տարածաշրջանը տրանսպորտային և էներգետիկ հաղորդակցությունների խաչմերուկում» խորագրով թեմատիկ քննարկմանը:

ՏԿԵ նախարարը տարածաշրջանային էներգետիկ նախագծերի կենսագործման ճանապարհին կարևորել է գլոբալ և տարածաշրջանային երկրների հետ հարաբերությունները, ինչպես նաև Հայաստանի դիվանագիտության և դիվկորպուսի ներկայացուցիչների գործունեության նշանակալի դերը:

Խոսելով ոլորտում առկա իրատեսական հնարավորությունների մասին՝ նախարար Պապիկյանը նշել է, որ դրանց ուղղությամբ տարվող աշխատանքները կնպաստեն էներգետիկ շուկայի ազատականացմանն ու դիվերսիֆիկացմանը, կբարելավեն էներգետիկ ինքնաբավությունը և կմեծացնեն արտահանման ծավալները: