Հրատապ լուրեր:

Պուտինն իր 67-ամյակը նշում է սիբիրյան տայգայում


, | Հրապարակվել է: 03:12 PM, October 07, 2019

IMG

Ռուսաստանի նախագահ Վլադիմիր Պուտինը իր 67-ամյակի նախօրեին ժամանել է Սիբիր:

РИА "Новости" գործակալության տարածած կարճ տեսանյութից պարզ է դառնում, որ Ռուսաստանի ղեկավարին ընկերակցում է պաշտպանության նախարար Սերգեյ Շոյգուն:

Տեսագրությունում պատկերված է, թե ինչպես են Պուտինը և Շոյգուն զբոսնում տայգայում, սունկ հավաքում, ինչպես նաև լեռնագագաթներից մեկից հիանում Սիբիրի խոշորագույն գետերից մեկով` Ենիսեյով:

Կրեմլի մամուլի խոսնակ Դմիտրի Պեսկովի խոսքով՝ Պուտինը ծննդյան օրն անցկացնում է «բնության գրկում` հարազատների շրջապատում»:

Նախորդ երկու տարիներին Պուտինի ծննդյան օրվա տոնակատարություններին մասնակցելու նպատակով Ռուսաստան էր ժամանում Իտալիայի նախկին վարչապետ Սիլվիո Բերլուսկոնին: 2013-ին իր 61-րդ տարեդարձը Ռուսաստանի նախագահը նշում էր Չինաստանի ղեկավար Սի Ծինփինի հետ միասին: